പത്തനംതിട്ട : സി പി എം ജില്ലാ സെക്രട്ടറിയേറ്റ് അംഗങ്ങളുടെ തിരഞ്ഞെടുപ്പ് ഇന്ന് 3 ന് നടക്കും. സംസ്ഥാന സെക്രട്ടറി എം.വി. ഗോവിന്ദൻ യോഗത്തിൽ പങ്കെടുക്കും.
9 പേരെയാണ് ഇന്ന് ജില്ലാ സെക്രട്ടറിയേറ്റിലേക്ക് തിരഞ്ഞെടുക്കുന്നത്. സി പി എം മുൻ ജില്ലാ സെക്രട്ടറി കെ. പി. ഉദയഭാനു , വനിതാ കമ്മിറ്റി അംഗം നിർമലാ ദേവി എന്നിവരുടെ ഒഴിവും നികത്തും.
ജില്ലാ കമ്മിറ്റിയിലെ മുതിർന്ന അംഗം കോമളം അനിരുദ്ധൻ, മനീഷാ നായർ എന്നിവരെ ജില്ലാ സെക്രട്ടറിയേറ്റിലേക്ക് പരിഗണിക്കാൻ സാധ്യതയുണ്ട്. കെ.യു. ജനീഷ് കുമാർ എം എൽ എയേയും സെക്രട്ടറിയേറ്റിലേക്ക് പരിഗണിക്കാനാണ് സാധ്യത
അതേ സമയം എ. പത്മകുമാറിനെ ജില്ലാ സെക്രട്ടറിയേറ്റിൽ നിന്ന് ഒഴിവാക്കും എന്നും അറിയുന്നു. സി പി എം സംസ്ഥാന സമ്മേളനത്തിന് ശേഷം പത്മകുമാർ നടത്തിയ തുറന്നു പറച്ചിൽ വിവാദമായിരുന്നു.
