തിരുവനന്തപുരം : ഫിഷറീസ് എക്‌സ്റ്റന്‍ഷന്‍ ഓഫിസര്‍ പരീക്ഷ ക്രമക്കേടിൽ പിഎസ്‌സി ചെയര്‍മാന്‍ എം.ആര്‍.ബൈജുവിനും അംഗങ്ങള്‍ക്കും എതിരെ എഫ്‌ഐആര്‍ റജിസ്റ്റര്‍ ചെയ്തു.ക്രമക്കേടിലൂടെ അർഹരായ ഉദ്യോഗാർത്ഥികളുടെ നിയമനാവസരം നഷ്ടപ്പെടുത്തിയെന്നാണ് എഫ്ഐആറിലെ ആരോപണം.
നേമം സ്വദേശി നല്‍കിയ പരാതിയുടെ അടിസ്ഥാനത്തിലാണ് അഴിമതി നിരോധന നിയമം 7, 13(1)(എ), ഐപിസി 409 എന്നീ വകുപ്പ് പ്രകാരം കേസെടുത്തിരിക്കുന്നത്. ആസൂത്രണ ബോർഡ് പരീക്ഷാ ക്രമക്കേടുമായി ബന്ധപ്പെട്ട ആരോപണങ്ങൾക്ക് പിന്നാലെയാണ് ഖാദി ബോർഡ്, ഫിഷറീസ് എക്സ്റ്റൻഷൻ ഓഫീസർ, എംവിഡി അസിസ്റ്റന്റ് ഇൻസ്പെക്ടർ പരീക്ഷകളിലും ക്രമക്കേട് ആരോപണങ്ങൾ ഉയർന്നത്. കുറ്റം തെളിഞ്ഞാല്‍ പത്തു വര്‍ഷം വരെ തടവുശിക്ഷ ലഭിക്കാവുന്ന ഗുരുതരവകുപ്പുകളാണ് ചുമത്തിയിരിക്കുന്നത്.
