തിരുവല്ല: ഇന്ത്യൻ റെഡ് ക്രോസ് സൊസൈറ്റി തിരുവല്ല, തിരുനൽവേലി അരവിന്ദ് കണ്ണാശുപത്രി, ജില്ല അന്ധതാ നിയന്ത്രണ സമിതി, ജോയ് ആലുക്കാസ് എന്നിവയുടെ സംയുക്ത ആഭിമുഖ്യത്തിൽ 92 മത് സൗജന്യ നേത്രചികിത്സാ ക്യാമ്പും തിമിര ശസ്ത്രക്രിയയും നടത്തുന്നു. നവംബർ 16ന് തിരുവല്ല ട്രാൻസ്പോർട്ട് സ്റ്റാന്റിന് എതിർവശത്തുള്ള രാജൻ ജ്യൂവലറി കോംപ്ലക്‌സിൽ അരവിന്ദ് കണ്ണാശുപത്രിയിലെ വിദഗ്ദ ഡോക്ടർമാർ രോഗികളെ പരിശോധിക്കും.
ശസ്ത്രക്രിയക്ക് തിരഞ്ഞെടുക്കുന്ന രോഗികളെ അന്ന് വൈകിട്ട് തിരുനൽവേലിക്ക് കൊണ്ടു പോകുന്നതും ശസ്ത്രക്രിയക്കും വിശ്രമത്തിനും ശേഷം തിരികെ ബുധനാഴ്ച രാവിലെ തിരുവല്ലയിൽ എത്തുന്നതുമാണ്. ചികിത്സ, യാത്ര, ഭക്ഷണം സൗജന്യമായിരിക്കും. കൂടുതൽ വിവരങ്ങൾക്ക് സംഘാടക സമിതി സെക്രട്ടറി ബാബു കല്ലുങ്കൽ ഫോൺ നമ്പർ – 9947 291334, 7559834009.
