ന്യൂഡൽഹി : ഡല്‍ഹിയിലെ സ്വകാര്യ അൺ എയ്ഡഡ് വിദ്യാലയങ്ങളില്‍ ഒരു മാസത്തെ ഫീസിൽ കൂടുതൽ ഒന്നിച്ചടയ്ക്കാൻ ആവശ്യപ്പെടാൻ കഴിയില്ലെന്ന് ഡയറക്ടറേറ്റ് ഓഫ് എജ്യുക്കേഷന്‍ ഉത്തരവ്.ഫീസ് ഒന്നിച്ചടയ്‌ക്കാനുള്ള സ്‌കൂളുകളുടെ സമ്മര്‍ദ്ദം സാധാരണക്കാരായ രക്ഷിതാക്കള്‍ക്ക് വലിയ സാമ്പത്തിക ബാധ്യതയുണ്ടാക്കുന്നുവെന്ന് ഉത്തരവില്‍ പറയുന്നു.
ഹൈക്കോടതി നിര്‍ദ്ദേശങ്ങള്‍ക്കും വിദ്യാഭ്യാസ നിയമങ്ങള്‍ക്കും വിരുദ്ധമായി പ്രവര്‍ത്തിക്കുന്ന സ്‌കൂളുകള്‍ക്കെതിരെ കര്‍ശന നടപടി ഉണ്ടാകുമെന്നും മുന്നറിയിപ്പ് നൽകിയിട്ടുണ്ട് .സ്വകാര്യ അൺഎയ്ഡഡ് വിദ്യാലയങ്ങൾ രക്ഷിതാക്കളോട് മുന്‍കൂറായി ഫീസ് അടയ്‌ക്കാന്‍ നിര്‍ബന്ധിക്കുന്നുവെന്ന് പരാതികള്‍ ഉയര്‍ന്ന പശ്ചാത്തലത്തിലാണ് നടപടി.
