കനത്ത മഴ :  വീടിൻ്റെ സംരക്ഷണഭിത്തി ഇടിഞ്ഞു വീണു

കോന്നി : കനത്ത മഴയെ തുടർന്ന് തേക്കുതോട്ടിൽ വീടിൻ്റെ സംരക്ഷണഭിത്തി ഇടിഞ്ഞു വീണു. വീട്ടുകാർ ദുരന്തഭീഷണിയിൽ. കരിമാൻതോട്- തുമ്പാകുളം റോഡിൽ കൊടുന്തറ പുത്തൻ വീട്ടിൽ പി.ഡി. തോമസിൻ്റെ വീടിൻ്റെ മുൻപിലെ സംരക്ഷണ ഭിത്തിയാണ് മണ്ണ് കുതിർന്ന് ഇന്ന് ഇടിഞ്ഞു വീണത്. വീട് ഏതു നിമിഷവും നിലം പൊത്താവുന്ന സ്ഥിതിയിലാണെന്ന് കുടുംബാംഗങ്ങൾ പറഞ്ഞു. സംരക്ഷണ ഭിത്തി അടിയന്തരമായി നിർമിക്കണമെന്നാണ് ആവശ്യം