തിരുവനന്തപുരം : തിരുവനന്തപുരം നഗരമധ്യത്തിൽ സ്ഥിതിചെയ്യുന്ന മൃഗശാല നെയ്യാറിലേക്ക് മാറ്റിയാൽ അത് കൂടുതൽ സൗകര്യപ്രദമാകുമെന്ന് മന്ത്രി കെ.മുരളീധരന്‍.മൃഗശാല മാറ്റിയാലും തലസ്ഥാനത്തിന്റെ പ്രാധാന്യത്തിന് ഒരു കുറവും വരില്ലെന്നും ഇതിൽ അനാവശ്യ വിവാദം ഉണ്ടാക്കരുതെന്നും കെ. മുരളീധരൻ പറഞ്ഞു.
കഴിഞ്ഞ സര്‍ക്കാരിന്റെ കാലത്ത് തൃശൂരില്‍നിന്നു മൃഗശാല പുത്തൂരിലേക്കു മാറ്റിയപ്പോള്‍ കച്ചവടമാണെന്ന് ആരും പറഞ്ഞില്ല.സിപിഎം എല്ലാത്തിനെയും എതിർക്കുന്നവരാണെന്നും മന്ത്രി കുറ്റപ്പെടുത്തി.മൃഗശാല നഗരത്തിൽ പ്രവർത്തിക്കുന്നത് അനുയോജ്യമല്ലെന്നും മൃഗങ്ങൾ ശബ്ദമലിനീകരണം അനുഭവിക്കുന്നുണ്ടെന്നും മന്ത്രി സി.പി.ജോണും പറഞ്ഞു.
