കോട്ടയം : സുഡാനിൽ നിന്നെത്തിയ കോട്ടയം സ്വദേശിനിയുടെ എബോള പരിശോധനാ ഫലം നെഗറ്റീവ്.പുണെയിലെ ലാബിൽ നടത്തിയ പരിശോധനാഫലമാണ് നെഗറ്റീവായത്. എബോള സംശയിച്ച് കോട്ടയം മെഡിക്കൽ കോളേജിൽ ചികിത്സയിൽ കഴിയുകയായിരുന്നു. ദക്ഷിണ സുഡാനിൽ ജോലി ചെയ്തിരുന്ന ഇവർ കടുത്ത ഛർദിയും പനിയും മൂലം ബുധനാഴ്ചയാണ് കോട്ടയം മെഡിക്കൽ കോളജ് ആശുപത്രിയിൽ ചികിത്സ തേടിയത്. എബോള പരിശോധനാ ഫലം നെഗറ്റീവായതോടെ ഇവരെ ഡിസ്ചാർജ് ചെയ്തു.
