പത്തനംതിട്ട : ഗവിയിലേക്കുള്ള കെഎസ്ആര്‍ടിസി ബസിലെ യാത്രക്കാര്‍ക്ക് കാട്ടുതേനീച്ചയുടെ കുത്തേറ്റു.രാവിലെ അഞ്ചരക്ക് പത്തനംതിട്ടയിൽ നിന്നും പുറപ്പെട്ട ബസ്സിലെ യാത്രക്കാർക്കുനേരെയാണ് കാട്ടുതേനീച്ചയുടെ ആക്രമണമുണ്ടായത്. ബസ് ഡ്രൈവര്‍ക്കും കണ്ടക്ടര്‍ക്കും ഉള്‍പ്പെടെ 17 പേര്‍ക്ക് പരിക്കേറ്റു.
55 യാത്രക്കാരും ബസ് ജീവനക്കാരുമാണ് ബസ്സിലുണ്ടായിരുന്നത്.ഗവി കഴിഞ്ഞു കോഴിക്കാനത്ത് വച്ചാണ് സംഭവം ഉണ്ടായത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.ആരുടെയും പരിക്ക് ഗുരുതരമല്ല.
