ബെംഗളൂരു : ബെംഗളൂരുവിലെ ഹോട്ടലിൽ ആട്ടിറച്ചിയെന്ന പേരിൽ പോത്തിറച്ചി വിതരണം ചെയ്ത സംഭവത്തിൽ രണ്ട് മലയാളികൾ അറസ്റ്റിൽ. ബൊമ്മനഹള്ളിയിലെ ഇസിരി ഹബ്ബില് സ്ഥിതി ചെയ്യുന്ന കായലോരം റസ്റ്ററന്റിലാണ് സംഭവം.ഹോട്ടലിൽ ഭക്ഷണം കഴിക്കാനെത്തിയവരുടെ പരാതിയിൽ മലയാളികളായ ജിജു, ഷിബു എന്നിവരെയാണ് പൊലീസ് അറസ്റ്റ് ചെയ്തത് .
പരാതിയെ തുടർന്ന് സ്ഥലത്തെത്തി പരിശോധന നടത്തിയ പൊലീസ് വിളമ്പിയത് പോത്തിറച്ചിയാണെന്ന് കണ്ടെത്തി.ഒന്നര വർഷം മുൻപ് പ്രവർത്തനം തുടങ്ങിയ റസ്റ്ററന്റ് അടച്ചുപൂട്ടി.പിടിച്ചെടുത്ത സാമ്പിളുകൾ ഫൊറൻസിക് പരിശോധനയ്ക്ക് അയച്ചു.
