പത്തനംതിട്ട: മിഥുനമാസപൂജകൾക്കായി ശബരിമലനട ഞായറാഴ്ച തുറക്കും. വൈകീട്ട് അഞ്ചിന് തന്ത്രി കണ്ഠര് മഹേശ്വര് മോഹനരുടെ സാന്നിധ്യത്തിൽ മേൽശാന്തി ഇ ഡി പ്രസാദ് നമ്പൂതിരി ശ്രീകോവിൽ തുറന്ന് നെയ്ത്തിരി തെളിയിക്കും. ഞായറാഴ്ച മറ്റുപൂജകളില്ല. മിഥുനം ഒന്നാംതീയതിയായ തിങ്കളാഴ്ച നിർമാല്യത്തിനും പതിവുപൂജകൾക്കും ശേഷം നെയ്യഭിഷേകം തുടങ്ങും.
തുടർന്നുള്ള ദിവസങ്ങളിൽ കളഭാഭിഷേകം, പടിപൂജ, സഹസ്രകലശാഭിഷേകം തുടങ്ങിയവ നടക്കും. ലക്ഷാർച്ചനയുമുണ്ടാകും. അഞ്ചുദിവസത്തെ പൂജകൾ പൂർത്തിയാക്കി19-ന് രാത്രി പത്തിന് നടയടയ്ക്കും.
