തിരുവനന്തപുരം: മാസപ്പടി കേസിൽ ശശിധരൻ കർത്തയുടെ ഡയറിയിലുള്ള നേതാക്കളുടെ പേരുവിവരങ്ങൾ പുറത്തുവിട്ട് ബിജെപി നേതാവ് ഷോൺ ജോർജ്. എസ്എഫ്ഐഒ കോടതിയിൽ നൽകിയ രേഖയുടെ ഭാഗമായ പേജാണ് പുറത്തുവിട്ടത്. മുഖ്യമന്ത്രി വി ഡി സതീശൻ, പ്രതിപക്ഷനേതാവ് പിണറായി വിജയൻ ഉൾപ്പെടെ എൽ ഡി എഫ്, യു ഡി എഫ് പ്രമുഖ നേതാക്കളുടെ പേരുകൾ വ്യക്തമായി കുറിച്ചിട്ടുണ്ട് .
പണം നൽകിയ ആളുകളുടെ പേരും എത്ര പണം എന്ന് നൽകിയെന്നുമാണ് ഡയറിയിൽ രേഖപ്പെടുത്തിയിരിക്കുന്നത്.സിഎംആർഎല്ലിനെതിരായ ഖനനവുമായി ബന്ധപ്പെട്ട് വെല്ലുവിളി നേരിട്ട കാലഘട്ടത്തിലാണ് പണം നൽകിയതെന്ന് ശശിധരൻ കർത്ത ആദായനികുതി വകുപ്പിന് നൽകിയ മൊഴിയിൽ പറഞ്ഞതായും ഷോൺ ജോർജ് പറയുന്നു.നേരിട്ട് എഫ്ഐആർ ഇട്ട് അന്വേഷണം നടത്തേണ്ട വിഷയമായിട്ടും അതിന് തയാറാകാത്തത് ഇരുമുന്നണിയിലെയും പ്രമുഖ നേതാക്കൾക്ക് പങ്കുള്ളതുകൊണ്ടാണെന്ന് അദ്ദേഹം ആരോപിച്ചു.
