തിരുവല്ല : ബിലീവേഴ്സ് ചർച്ച് മെഡിക്കൽ കോളേജ് ആശുപത്രി ന്യൂറോളജി വിഭാഗത്തിന്റെ നേതൃത്വത്തിൽ ഏകദിന ശില്പശാല നടന്നു . തലവേദനകളെപ്പറ്റിയും കാരണം കണ്ടെത്തി തലവേദന ചികിത്സിക്കുന്നത് എങ്ങനെ എന്നതിനെപ്പറ്റിയും ചർച്ച ചെയ്യുവാനായി സംഘടിപ്പിച്ച ശില്പശാലയിൽ ന്യൂറോളജി, ഇന്റേണൽ മെഡിസിൻ , ഫാമിലി മെഡിസിൻ തുടങ്ങി വിവിധ വിഭാഗങ്ങളിലെ ഡോക്ടർമാരും ക്ലിനിക്കൽ ഫാർമസിസ്റ്റുകളും ന്യൂറോളജി നഴ്സുമാരും അടക്കം 130 ഓളം പേർ പങ്കെടുത്തു.
ശില്പശാലയുടെ ഉദ്ഘാടനം ആശുപത്രി ഡയറക്ടറും സിഇഒയുമായ പ്രൊഫ ഡോ ജോർജ് ചാണ്ടി മറ്റീത്ര നിർവഹിച്ചു . ന്യൂറോളജി വിഭാഗം മേധാവി ഡോ ജോൺ കെ ജോൺ ,സീനിയർ കൺസൾട്ടൻറുമാരായ ഡോ അനിൽകുമാർ ശിവൻ, ഡോ ജോബൻ ജോൺ , കൺസൾട്ടന്റുമാരായ ഡോ അർച്ചന എം , ഡോ ജെറി എ ജോർജ് , ഡോ ഹരികൃഷ്ണൻ ആർ എന്നിവർ ക്ലാസുകൾ നയിച്ചു .
ന്യൂറോളജി വിഭാഗത്തിൻറെ നേതൃത്വത്തിൽ നടക്കുന്ന മെഡിക്കൽ വിദ്യാഭ്യാസ പരമ്പരയിലെ ആദ്യ ശില്പശാലയാണ് കഴിഞ്ഞത്. പ്രമുഖരായ ഡോക്ടർമാരെയും മെഡിക്കൽ വിദ്യാർത്ഥികളെയും ഉൾപ്പെടുത്തി രണ്ടാമത്തെ ശില്പശാല നവംബർ 30 ന് നടത്തുവാൻ നിശ്ചയിച്ചു.
