കോട്ടയം: പനച്ചിക്കാട് ദക്ഷിണമൂകാംബി ക്ഷേത്രത്തിലെ നവരാത്രി മഹോത്സവത്തോടനുബന്ധിച്ചുള്ള ദേശീയ നൃത്തസംഗീതോത്സവം പ്രശസ്ത കർണാടക സംഗീതജ്ഞൻ അനീഷ് ഭട്ട് (മംഗളൂരു) ഭദ്രദീപം തെളിച്ച് ഉദ്ഘാടനം ചെയ്തു.
മൃദംഗവിദ്വാൻ ചങ്ങനാശ്ശേരി സതീഷ്‌കുമാർ, ക്ഷേത്രം അസിസ്റ്റന്റ് മാനേജർ കെ. വി. ശ്രീകുമാർ എന്നിവർ സന്നിഹിതരായി. തുടർന്ന് അനീഷ് ഭട്ടിന്റെ കർണാടക സംഗീതക്കച്ചേരി അരങ്ങേറി. ക്ഷേത്രത്തിൽ ഞായറാഴ്ച രാവിലെ നവരാത്രി വിശേഷാൽ പൂജകൾ ആരംഭിച്ചു. വൈകുന്നേരം പൂമൂടൽ, പുഷ്പാഭിഷേകം, മഹാരതി എന്നിവ ഭക്തിനിർഭരമായി നടന്നു.
ദേശീയ നൃത്തസംഗീതോത്സവത്തിന്റെ ഭാഗമായി ഒക്ടോബർ 12 തിങ്കളാഴ്ച പ്രശസ്ത ചലച്ചിത്രതാരം ആശാ ഭൈജു, ചാന്ദിനി എന്നിവരും സംഘവും അവതരിപ്പിക്കുന്ന ‘നാടനമാധുരി’ അരങ്ങേറും.
