മാന്നാർ : പരുമല സെന്റ് ഗ്രീഗോറിയോസ് മെഡിക്കൽ മിഷൻ ആശുപത്രിയുടെ 50-ാം വാർഷികാഘോഷങ്ങൾക്ക് ഇന്ന് തുടക്കമാകും. ഉച്ചയ്ക്ക് 12ന് ഗോവ ഗവർണർ പി എസ് ശ്രീധരൻപിള്ള ഉദ്ഘാടനം ചെയ്യും.
മലങ്കര ഓർത്തഡോക്സ് സഭയുടെ പരമാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ ബാവ അധ്യക്ഷത വഹിക്കും. അത്യാധുനിക ഇന്റർവെൻഷണൽ റേഡിയോളജി വിഭാഗം മന്ത്രി വീണാ ജോർജ് ഉദ്ഘാടനം ചെയ്യും.
പരുമല പീഡിയാട്രിക് ന്യൂറോളജി വിഭാഗം, പി എം ആർ വിഭാഗം എന്നിവയുടെ സോഫ്റ്റ്ലോഞ്ച് ആന്റോ ആന്റണി എംപിയും പരുമല പീഡിയാട്രിക് ഓങ്കോളജി വിഭാഗം പാലിയേറ്റിവ് മെഡിസിൻ വിഭാഗം സോഫ്റ്റ് ലോഞ്ച് അഡ്വ. മാത്യു ടി തോമസ് എംഎൽഎയും നടത്തും.സുവർണജൂബിലി ബ്ലോക്കിന്റെ നിർമാണ പ്രഖ്യാപനവും ഉണ്ടാകും.
