തിരുവല്ല: പൊയ്കയിൽ ശ്രീകുമാര ഗുരുദേവന്റെ 148-മത് ജന്മദിന മഹോത്സവത്തോടനുബന്ധിച്ച് നടത്തിയ യുവജനസംഘം പ്രതിനിധി സംഗമം അഡ്വ കെ യു ജനീഷ്കുമാർ എം.എൽ.എ ഉദ്ഘാടനം ചെയ്യ്തു.
ജന്മദിന മഹോത്സവത്തോടനുബന്ധിച്ച് നാളെ നടക്കുന്ന ഭക്തിഘോഷയാത്ര വൈകീട്ട് 4 മണിക്ക് നെല്ലാട് ജംഗ്ഷനിൽ നിന്നും ആരംഭിക്കും. സഭാ പ്രസിഡന്റ് വൈ സദാശിവൻ ഭക്തിഘോഷയാത്ര ഉദ്ഘാടനം ചെയ്യും. നിശ്ചലദൃശ്യങ്ങളും, വാദ്യമേളങ്ങളും, വിവിധ ശാഖകളിൽ നിന്നുള്ള കലാപ്രകടനങ്ങളും ശുഭ്രവസ്തധാരികളായ പതിനായിരക്കണക്കിന് വിശ്വാസികൾ ഭക്തിഘോഷയാത്രയിൽ പങ്കെടുക്കും.
ആരാധന ചിത്രങ്ങൾ ഏന്തിയ അഞ്ച് ഗജവീരന്മാർ ഘോഷയാത്രയിൽ അണിനിരക്കും. പ്രധാന കവാടത്തിൽ താലപ്പൊലിയേന്തിയ 148 ബാലികമാർ ഘോഷയാത്രയെ സ്വീകരിച്ച് വിശുദ്ധ മണ്ഡപത്തിലേയ്ക്ക് ആനയിക്കും.
6 മണിക്ക് ഭക്തിഘോഷയാത്ര സ്വീകാര്യ പ്രാർത്ഥന നടക്കും.
തുടർന്ന് നടക്കുന്ന പൊതുസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സഭാ പ്രസിഡന്റ് വൈ.സദാശിവൻ അദ്ധ്യക്ഷത വഹിക്കും. ആരോഗ്യ വകുപ്പ് മന്ത്രി വീണാ ജോർജ്ജ് മുഖ്യപ്രഭാഷണം നടത്തും. എം.പിമാരായ തിരുമാവളവൻ, കൊടിക്കുന്നിൽ സുരേഷ് എന്നിവർ മുഖ്യാതിഥികളായി പങ്കെടുക്കും. ആദിയർദീപം ജന്മദിന പതിപ്പ് പ്രകാശന കർമ്മം മുൻ പ്രതിപക്ഷ നേതാവ് രമേശ് ചെന്നിത്തല എം.എൽ.എ നിർവ്വഹിക്കും.
