തിരുവനന്തപുരം: പുറത്തുനിന്ന് വൈദ്യുതി വാങ്ങാന്‍ കെഎസ്ഇബിക്ക് അനുമതി നല്‍കി വൈദ്യുതി റെഗുലേറ്ററി കമ്മീഷന്. സംസ്ഥാനത്തെ അടിയന്തിര സാഹചര്യം കണക്കിലെടുത്താണ് അനുമതി. പരമാവധി 250 മെഗാ വാട്ട് വരെ വാങ്ങാം.
വൈദ്യുതി വില യൂണിറ്റിന് 10 രൂപയില്‍ താഴെ ആയിരിക്കണം. മേയ് 15 വരെയാണ് സമയ പരിധി. വേനല്‍ച്ചൂടിനെ തുടര്‍ന്ന് സംസ്ഥാനത്ത് വൈദ്യുതി ആവശ്യം വര്‍ധിച്ചിരിക്കുകയാണ്. ഈ സാഹചര്യത്തില്‍ പുറത്തുനിന്ന് വൈദ്യുതി വാങ്ങാന്‍ ബോര്‍ഡ്, റെഗുലേറ്ററി കമ്മീഷനോട് അനുമതി ചോദിച്ചിരുന്നു.
മാർച്ച് 24ന് കമ്മീഷന് ഹിയറിംഗ് നടത്തിയെങ്കിലും പെറ്റീഷന്‍ പൂര്‍ണമല്ലാത്തതിനാല്‍ പുതുക്കി നല്‍കാന്‍ ആവശ്യപ്പെടുക ആയിരുന്നു.
