ന്യൂഡൽഹി : റഷ്യൻ നിർമിത വ്യോമപ്രതിരോധ സംവിധാനമായ എസ്–400 ന്റെ രണ്ട് സ്ക്വാഡ്രണുകൾ 2027 ഓടെ റഷ്യ ഇന്ത്യയ്ക്ക് കൈമാറും.2018 ലെ ഇന്ത്യ- റഷ്യ കരാർ പ്രകാരം ശേഷിക്കുന്ന രണ്ട് സ്ക്വാഡ്രണുകളാണ് ഇന്ത്യയ്ക്ക് കൈമാറുന്നത് . റഷ്യ-യുക്രെയ്ൻ യുദ്ധം കാരണമാണ് ഇവ ലഭിക്കാൻ വൈകിയത് .
നാലാമത്തെ സ്ക്വാഡ്രൺ 2026 ലും അഞ്ചാമത്തേത് 2027 ലും ഇന്ത്യയിലെത്തും. ക്വിങ്ദാവോയിൽ നടന്ന എസ്‌സിഒ പ്രതിരോധ മന്ത്രിമാരുടെ യോഗത്തിലാണ് ഇതു സംബന്ധിച്ച് റഷ്യ ഇന്ത്യക്ക് ഉറപ്പ് നൽകിയത്. ഓപ്പറേഷൻ സിന്ദൂറിൽ ഇന്ത്യയുടെ പോരാട്ടത്തിൽ നിർണായക പങ്കു വഹിച്ച വ്യോമപ്രതിരോധ സംവിധാനമായിരുന്നു എസ്-400.
