തിരുവനന്തപുരം : എസ്ഡിപിഐയുടെ പിന്തുണ അഭ്യര്ഥിച്ചിട്ടില്ലെന്നും അത്തരത്തിലുള്ള വാർത്തകൾ വസ്തുതാ വിരുദ്ധമാണെന്നും മുഖ്യമന്ത്രി പിണറായി വിജയൻ .ബിജെപി ജയിക്കരുതെന്ന് കരുതുന്ന ചിലയാളുകൾ തങ്ങളെ സഹായിച്ചിട്ടുണ്ടാകുമെന്നും മുഖ്യമന്ത്രി പറഞ്ഞു .വിട്ടുവീഴ്ചയില്ലാതെ വർഗീയതയെ എതിർക്കുന്ന നിലപാടാണ് തങ്ങൾ സ്വീകരിക്കുന്നതെന്നും പിണറായി വിജയൻ പറഞ്ഞു
തിരഞ്ഞെടുപ്പ് സമയമായതിനാല് 30 മുതല് 40 മിനിറ്റ് വരെ മാത്രമേ വാര്ത്താ സമ്മേളനത്തില് പങ്കെടുക്കാറുള്ളൂവെന്നും കൊല്ലത്ത് വിശദമായി മറുപടി പറയേണ്ട ചില ചോദ്യങ്ങള് വന്നതിനാലാണ് അതിന് ഉത്തരം പറഞ്ഞ് അവസാനിപ്പിച്ചതെന്നും മുഖ്യമന്ത്രി പറഞ്ഞു.എണീറ്റ് പോയപ്പോൾ പിന്നിൽ വലിയ ബഹളമുണ്ടായി. മനസിലുള്ള ചോദ്യങ്ങൾക്ക് മറുപടി പറയാൻ പറ്റില്ല.കാര്യങ്ങള് എങ്ങനെ വക്രീകരിക്കുന്നു എന്നതിന്റെ തെളിവാണതെന്നും മുഖ്യമന്ത്രി വ്യക്തമാക്കി
