കോട്ടയം: വലിയ നോമ്പിന്റെ ആദ്യപകുതി പൂർത്തിയാക്കി ക്രൈസ്തവസമൂഹം പാതിനോമ്പ് ആചരിച്ചു. കാൽവരിയിൽ യാഗമായ ക്രിസ്തുവിന്റെ രക്ഷാകരമായ കുരിശ് ദേവാലയമധ്യത്തിലെ ഗോഗുൽത്തായിൽ ഉയർത്തി. മലങ്കരസഭയുടെ ദേവാലയങ്ങളിൽ രാവിലെ പ്രഭാതനമസ്ക്കാരവും, വിശുദ്ധ കുർബാനയും, സ്ലീബാ ആഘോഷവും നടന്നു.
സഭാ ആസ്ഥാനമായ ദേവലോകം കാതോലിക്കേറ്റ് അരമനയിൽ ഫാ.യാക്കോബ് റമ്പാൻ ശുശ്രൂഷകൾക്ക് മുഖ്യകാർമ്മികത്വം വഹിച്ചു. നിരവധി വൈദികരും വിശ്വാസികളും പാതിനോമ്പിന്റെ പ്രത്യേക ശുശ്രൂഷകളിൽ പങ്കെടുത്തു.
