ന്യൂഡൽഹി : പ്രധാനമന്ത്രി നരേന്ദ്രമോദി ഇന്ന് രാത്രി 8:30ന് രാജ്യത്തെ അഭിസംബോധന ചെയ്യും.വനിത സംവരണ ഭേദഗതി ബിൽ ലോക്സഭയിൽ പരാജയപ്പെട്ട പശ്ചാത്തലത്തിലാണ് അഭിസംബോധന.രാജ്യത്തിന്റെ സമകാലിക രാഷ്‌ട്രീയവും സാമ്പത്തികവും സുരക്ഷാ വിഷയങ്ങളും പ്രസംഗത്തിൽ ഉൾപ്പെടാനിടയുണ്ട് .
വനിതാ സംവരണ ബില്ലിനെ പിന്തുണയ്ക്കാത്തതിലൂടെ പ്രതിപക്ഷം തെറ്റ് ചെയ്തുവെന്നും അതിന്റെ പ്രത്യാഘാതങ്ങൾ നേരിടേണ്ടി വരുമെന്നും കേന്ദ്ര മന്ത്രിസഭാ യോഗത്തിൽ പ്രധാനമന്ത്രി പറഞ്ഞു.പ്രതിപക്ഷം രാജ്യത്തെ സ്ത്രീകളെ നിരാശപ്പെടുത്തിയെന്നും ഈ സന്ദേശം ഓരോ വ്യക്തിയിലേക്കും ഓരോ ഗ്രാമത്തിലേക്കും എത്തണമെന്നും പ്രധാനമന്ത്രി പറഞ്ഞു.
