കൊച്ചി : മാത്യു കുഴല്‍നാടന്‍ എംഎല്‍എയുടെ പൈങ്ങോട്ടൂരിൽ നിര്‍മാണത്തിലിരിക്കുന്ന വീട്ടില്‍ കവർച്ച നടത്തിയ പ്രതി പിടിയില്‍. മുര്‍ഷിദാബാദ് സ്വദേശിയായ ബിഷ്ണു മണ്ഡല്‍ ആണ് പിടിയിലായത്. ബിഷ്ണു മുമ്പും സമാനമായ കവര്‍ച്ച കേസുകളില്‍ പ്രതിയായിരുന്നു. മോഷണത്തില്‍ കൂടുതല്‍ പേര്‍ക്ക് പങ്കുണ്ടോയെന്ന് പൊലിസ് അന്വേഷിക്കുന്നുണ്ട്. കഴിഞ്ഞ ഞായറാഴ്ച വൈകിട്ട് 6.30നും 7നും ഇടയിലാണ് മോഷണം നടന്നത്.
മാത്യു കുഴല്‍നാടന്‍റെ വീടിന്‍റെ ഇലക്ട്രിക് മെയിന്‍ ബോര്‍ഡിലേക്ക് കണക്ട് ചെയ്ത് സൂക്ഷിച്ചിരുന്ന ഏകദേശം 50,000 രൂപ വിലവരുന്ന ഇലക്ട്രിക് വയറുകളാണ് മോഷണം പോയത്. നിര്‍മാണ മേല്‍നോട്ടം വഹിക്കുന്ന കോതമംഗലം കുരൂര്‍ സ്വദേശി ഫ്രെഡി എല്‍ദോസ് ആണ് പൊലിസില്‍ പരാതി നല്‍കിയത്.
