തിരുവല്ല : 2011ലെ ജാതി സെൻസെസ് റിപ്പോർട്ട് പുറത്ത് വിടണമെന്നും പുതിയതായി സെൻസെസ് നടത്തി വിശ്വകർമ്മ സംവരണം വർധിപ്പിക്കണമെന്നും വിശ്വകർമ്മ ഐക്യവേദി ജില്ല കമ്മറ്റി വിശ്വകർമ്മ ദിനാചരണത്തിൽ ആവശ്യപ്പെട്ടു.
ദേവസം ബോർഡ് നിയമനങ്ങളിൽ സമുദായത്തിന് പ്രാധിനിധ്യം നൽകുക, വിദ്യാഭ്യാസ മേഖലയിൽ സംവരണം വർധിപ്പിക്കുക, വനിതാ സംരഭകർക്ക് സർക്കാർ സഹായം ലഭ്യമാക്കുക, സെപ്റ്റംബർ17 വിശ്വകർമ്മ ദിനം പൊതു അവധി പ്രഖ്യാപിക്കുക തുടങ്ങിയ ആവശ്യങ്ങൾ ഉന്നയിച്ചു. സംസ്ഥാന ജനറൽ സെക്രട്ടറി അനിൽ അയ്യനാട്ട് ഉൽഘാടനം ചെയ്തു. ജില്ല പ്രസിഡെന്റ് അദ്ധ്യക്ഷത വഹിച്ചു. ടി.ആർ കണ്ണൻ റാന്നി, ടി.പി വാസുദേവൻ ആചാരി കോന്നി, മനോജ് ആചാരി, ലതിക രാജേഷ്, രജനി പി രാജപ്പൻ, അശോകൻ കുളന്നട, പ്രമോദ് പെരിങ്ങര എന്നിവർ പ്രസംഗിച്ചു.
