വയനാട് : വയനാട് ഉരുൾപൊട്ടൽ ഉണ്ടായ പത്താംനാളിലും തിരച്ചിൽ തുടരുന്നു. ഇന്നലെ മൃതദേഹഭാഗം കിട്ടിയ സൺറൈസ് വാലി കേന്ദ്രീകരിച്ച് ഇന്ന് കൂടുതൽ പരിശോധന നടത്തും.തിരച്ചിലിനു കഡാവർ നായകളും ഉണ്ടാകും. ആറ് സോണുകളായി തിരിഞ്ഞ് ചൂരൽമല, മുണ്ടക്കൈ, പുഞ്ചിരിമട്ടം എന്നിവിടങ്ങളിലും ചാലിയാർ കേന്ദ്രീകരിച്ചുമുള്ള തിരച്ചിൽ തുടരും.
ശനിയാഴ്ച പ്രധാനമന്ത്രി എത്തുന്നതിന് മുന്നോടിയായുള്ള സുരക്ഷാ പരിശോധനകളും ഇന്ന് നടത്തും. ഇതുവരെ 413 മരണം സ്ഥിരീകരിച്ചു . 16 ക്യാംപുകളിലായി 1968 പേർ കഴിയുന്നുണ്ട്. ഇവരുടെ പുനരധിവാസത്തിനുള്ള നടപടികൾ പുരോഗമിക്കുകയാണ്.
