റാന്നി : മിനി സൂപ്പർ മാർക്കറ്റിൽ കാട്ടുപന്നി ആക്രമണം. കട ഉടമയെ ആക്രമിച്ച കാട്ടുപന്നിയെ ഒടുവിൽ വെടിവച്ചു കൊന്നു. മന്ദിരം പടി ജംഗ്ഷനിൽ ഇന്ന് രാവിലെ ആയിരുന്നു സംഭവം. ചില്ല് വാതിൽ തകർത്ത് കടയ്ക്കുള്ളിലേക്ക് ഓടി കയറുകയായിരുന്നു കാട്ടുപന്നി.
ഇതു കണ്ട് ഭയത്തോടെ ഓടി മറയാൻ ശ്രമിക്കവെ കട ഉടമ ബീനയെ ആക്രമിക്കുകയായിരുന്നു. കൈയ്യിൽ പരുക്കേറ്റ ബീനയെ ആശുപത്രിയിൽ പ്രവേശിപ്പിച്ചു. കടയ്ക്കുള്ളിൽ നിന്ന് പുറത്തേക്ക് ഓടിയ കാട്ടുപന്നിയെ ഷൂട്ടർ എത്തി വെടിവച്ചു കൊന്നു. പഞ്ചായത്ത് അധികൃതർ അറിയിച്ചതിനെ തുടർന്നാണ് ഷൂട്ടർ എത്തിയത്
