ചെങ്ങന്നൂർ: സ്ത്രീ സംരക്ഷണ നിയമങ്ങളും പേരന്റിംഗും എന്ന വിഷയത്തിൽ വനിതാ കമ്മിഷന്റെ ആഭിമുഖ്യത്തിൽ സംസ്ഥാന സെമിനാർ സംഘടിപ്പിച്ചു. പുലിയൂർ ഗ്രാമപഞ്ചായത്ത് ഹാളിൽ സംഘടിപ്പിച്ച സെമിനാര്‍ വനിതാ കമ്മിഷൻ അംഗം വി ആർ മഹിളാമണി ഉദ്ഘാടനം ചെയ്തു.
വളരാം, വളർത്താം’ എന്ന വിഷയത്തിൽ സൈക്കോളജിസ്റ്റ് കലാ കല്യാണിയും സ്ത്രീ സംരക്ഷണ നിയമങ്ങളെക്കുറിച്ച് തിരുവനന്തപുരം ശിശു സംരക്ഷണ യൂണിറ്റിലെ ലീഗൽ കം പ്രൊബേഷൻ ഓഫീസർ അഡ്വ. വി എൽ അനീഷയും ബോധവത്കരണ ക്ലാസ് നയിച്ചു.
ചടങ്ങിൽ ചെങ്ങന്നൂർ ബ്ലോക്ക്‌ പഞ്ചായത്ത് പ്രസിഡന്റ്‌ കെ എം സലീം, കേരള വനിതാ കമ്മീഷൻ മെമ്പർ സെക്രട്ടറി വൈ ബി ബീന, സിഡിഎസ് ചെയർപേഴ്സൺ ഗീത, വനിതാ കമ്മിഷൻ റിസർച്ച് ഓഫീസർ എ ആർ അർച്ചന, മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.
