വീടുകളുടെ പുനരുദ്ധാരണ പദ്ധതിയിലേക്ക് അപേക്ഷിക്കാം

തിരുവനന്തപുരം : മുന്നാക്ക സമുദായ ക്ഷേമ കോർപ്പറേഷൻ സംസ്ഥാന വ്യാപകമായി നടപ്പിലാക്കുന്ന ഭവന സമുന്നതി (2025-26) പദ്ധതിയിലേക്ക് അപേക്ഷ ക്ഷണിച്ചു. കേരളത്തിലെ വാസയോഗ്യമല്ലാതെയും അടച്ചുറപ്പില്ലാതെയുമുള്ള ഭവനങ്ങളിൽ താമസിക്കുന്ന സംവരണേതര വിഭാഗങ്ങളിൽപ്പെടുന്ന നാലു ലക്ഷം രൂപയിൽ താഴെ കുടുംബ വാർഷിക വരുമാനമുള്ളവരുടെ ഭവനങ്ങൾ അറ്റകുറ്റപ്പണികൾ നടത്തി താമസ യോഗ്യമാക്കുന്നതിനാണ് പദ്ധതിയിലൂടെ ധനസഹായം നൽകുന്നത്. സെപ്റ്റംബർ 1 മുതൽ 30 വരെ അപേക്ഷ സമർപ്പിക്കാം. അപേക്ഷാഫോമിനും വിശദവിവരങ്ങൾക്കും: www.kswcfc.org