മല്ലപ്പള്ളി: വീട്ടിലെ കട്ടിലിനടിയിൽ ഒളിപ്പിച്ചിരുന്ന അര കിലോയോളം കഞ്ചാവുമായി യുവാവ് പിടിയിൽ. കല്ലുപ്പാറ തുരുത്തിക്കാട് പോഴിമണ്ണിൽ വീട്ടിൽ റെജു പി കുര്യൻ(33) ആണ് കിഴുവായ്പൂർ പോലീസിന്റെ പിടിയിലായത്.
പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ വീട്ടിലെ കട്ടിലിനടിയിൽ ഒളിപ്പിച്ച നിലയിൽ അര കിലോയോളം കഞ്ചാവ് കണ്ടെടുത്തത്. പിടിയിലായ റെജു മുൻപ് ഒന്നര കിലോയോളം കഞ്ചാവ് കച്ചവടത്തിനായി ബൈക്കിൽ കടത്തിക്കൊണ്ടുവന്ന മറ്റൊരു കേസിലും പിടിയിലായിട്ടുണ്ട്.
കീഴുവായ്പൂർ സർക്കിൾ ഇൻസ്പെക്ടർ സുരേഷ് കുമാർ ജി, എസ് എച്ച് ഒ അനിഷ് റ്റി, എ എസ് ഐ മുജീബ് ഖാൻ, സീനിയർ സിവിൽ പോലീസ് ഓഫീസർ സന്തോഷ്, സിവിൽ പോലീസ് ഓഫീസർമാരായ അരുൺദേവ്, സന്തോഷ്, വിഷ്ണു, സന്ദീപ്, ഹരികൃഷ്ണൻ, അനുപമ എന്നിവർ അടങ്ങിയ പോലീസ് സംഘമാണ് പ്രതിയെ പിടികൂടിയത്. തുടർന്ന് കോടതിയിൽ ഹാജരാക്കി.
