ന്യൂഡൽഹി : അരവിന്ദ് കെജ്‌രിവാള്‍ ഡല്‍ഹി മുഖ്യമന്ത്രി സ്ഥാനം രാജിവെച്ചു. ലെഫ്.ഗവർണർ വി.കെ.സക്സേനയുടെ വസതിയിലെത്തി കേജ്‍രിവാൾ രാജിക്കത്ത് കൈമാറി. നിയുക്ത ഡല്‍ഹി മുഖ്യമന്ത്രി അതിഷി ഉള്‍പ്പെടെയുള്ള ആം ആദ്മി പാര്‍ട്ടിയിലെ മുതിര്‍ന്ന നേതാക്കള്‍ കെജ്‌രിവാളിനൊപ്പമുണ്ടായിരുന്നു.
അതേസമയം,നിയുക്ത മുഖ്യമന്ത്രി അതിഷി മർലേനയെ രൂക്ഷമായി വിമർശിച്ചു കൊണ്ട് എഎപിയുടെ രാജ്യസഭാ എംപി സ്വാതി മാലിവാൾ രംഗത്തെത്തി. പാർലമെന്റ് ആക്രമണക്കേസ് പ്രതിയായ ഭീകരൻ അഫ്സൽ ഗുരുവിന്റെ വധശിക്ഷ റദ്ദാക്കാൻ ദയാഹർജി നൽകിയവരാണ് അതിഷിയുടെ മാതാപിതാക്കളെന്നും അതിഷി കേവലമൊരു ഡമ്മി മുഖ്യമന്ത്രി മാത്രമാകുമെന്നും സ്വാതി മാലിവാൾ ആരോപിച്ചു.
