പത്തനംതിട്ട : അന്തരിച്ച കണ്ണുർ എ ഡി എം നവീൻബാബുവിൻ്റെ വീട് കേന്ദ്രമന്ത്രി സുരേഷ് ഗോപി സന്ദർശിച്ച് കുടുംബാംഗങ്ങളെ അനുശോചനം അറിയിച്ചു.
പെട്രോൾ പമ്പുകൾക്ക് കഴിഞ്ഞ 25 വർഷത്തിനിടെ നൽകിയ എല്ലാ എൻഓ സികളും പരിശോധിക്കുമെന്ന് സുരേഷ് ഗോപി പറഞ്ഞു. രണ്ടു മൂന്ന് ദിവസത്തിനകം, അല്ലെങ്കിൽ ഒരാഴ്ച്ചക്കകം ഇതിനായുള്ള നീക്കങ്ങൾ തുടങ്ങുമെന്നും സുരേഷ് ഗോപി മാധ്യമ പ്രവർത്തകരോട് പറഞ്ഞു.
ഉത്തരവാദിത്വപ്പെട്ട ഉദ്യോഗസ്ഥരിൽ നിന്ന് ചില വിവരങ്ങൾ ലഭിക്കുന്നുണ്ട്. പെട്രോളിയം മന്ത്രാലയത്തിൻ്റെ നിയമങ്ങളെ മറികടന്ന് കാര്യങ്ങൾ നീക്കിയിട്ടുണ്ടെങ്കിൽ നടപടി ഉണ്ടാവും . കേന്ദ്ര തലത്തിൽ അന്വേഷണം നടത്തുമെന്നും അദ്ദേഹം പറഞ്ഞു.
നവീൻ ബാബുവിൻ്റെ കുടുംബം നിലവിൽ യാതൊന്നും ആവശ്യപ്പെട്ടിട്ടില്ല. തൻ്റെ വരവ് ആശ്വാസകരമായെന്ന് കുടുംബം അറിയിച്ചു. മാധ്യമങ്ങൾക്കുള്ള തുപോലെ തനിക്കും സംശയമുണ്ടെന്നും സുരേഷ് ഗോപി പറഞ്ഞു.
