കൊച്ചി : കോതമംഗലം കുട്ടമ്പുഴയിൽ കാട്ടിൽ കുടുങ്ങിയ മൂന്നു സ്ത്രീകളെയും കണ്ടെത്തി. പാറുക്കുട്ടി, മായ, ഡാർലി സ്റ്റീഫൻ എന്നിവരെയാണ് കണ്ടെത്തിയത്. മേയാൻ വിട്ട പശുക്കളെ തിരഞ്ഞ് പോയപ്പോഴാണ് സ്ത്രീകൾ കാട്ടിൽ കുടുങ്ങിയത്. വനത്തിൽ നിന്നും 6 കിലോമീറ്റർ അകലെയാണ് ഇവരെ കണ്ടെത്തിയത്. മൂന്നു പേരുടേയും ആരോഗ്യനില തൃപ്തികരമാണ്.
പശുക്കളെ കണ്ടെത്താനായി ഉച്ചയ്ക്ക് ഒരു മണിയോടെയാണ് ഇവർ വനത്തിനുള്ളിലേക്ക് പോയത് . എന്നാൽ മുന്നിൽ കാട്ടാനക്കൂട്ടം പെട്ടതോടെ ഇവർ ചിതറിയോടുകയായിരുന്നു. വൈകിട്ട് നാലു മണിവരെ മായയുമായി ഭർത്താവ് ഫോണിൽ സംസാരിച്ചിരുന്നു . ഇതിന് ശേഷം ഇവരെ ബന്ധപ്പെടാൻ സാധിച്ചിട്ടില്ല.പൊലീസും അഗ്നിരക്ഷാ സേനയും വനം വകുപ്പും ചേർന്നാണ് തെരച്ചിൽ നടത്തിയത്.
