തിരുവല്ല : വള്ളംകുളം നന്നൂർ ദേവി ക്ഷേത്രത്തിലെ പറയ്ക്കെഴുന്നള്ളത്തിന് സെൻ്റ് മേരീസ് ഓർത്തഡോക്സ് ചർച്ച് സ്വീകരണം ഒരുക്കി . നന്നൂർ ദേവീക്ഷേത്ര തിരുവുത്സവത്തിൻ്റെ ഭാഗമായി നടക്കുന്ന പറയ്ക്കെഴുന്നള്ളത്തിൻ്റെ മൂന്നാം ദിനമാണ് മതസൗഹാർദ്ദത്തിന് മാതൃകയൊരുക്കി പള്ളി കമ്മറ്റി പറയിട്ട് സ്വീകരണം നൽകിയത്.
ഇരുദേവാലയങ്ങളിലേയും ആഘോഷങ്ങൾ പരസ്പരം സഹകരിച്ച് പോരുന്നത് വരും തലമുറകൾക്ക് സ്നേഹവും സൗഹാർദ്ദവും കൈമാറുന്നതിനാണന്ന് ഭാരവാഹികൾ പറഞ്ഞു.
പള്ളി ട്രസ്റ്റി എബി വർഗീസ് , കമ്മറ്റി യംഗങ്ങളായ അജി പൈനമൂട്ടിൽ, കെ.സി വർഗീസ്, എബ്രഹാം കോശി മണിയനേട്ട് തുടങ്ങിയവർ നേതൃത്വം നൽകി.
