കോഴിക്കോട് : സ്വകാര്യ ബസിൽ യാത്രക്കാരനെ മറ്റൊരു യാത്രക്കാരൻ ആക്രമിച്ചു.മാങ്കാവ് സ്വദേശി നിഷാദിനെയാണ് പറമ്പിൽബസാർ സ്വദേശി റംഷാദ് ഓടിക്കൊണ്ടിരിക്കുന്ന ബസിൽ വെച്ച് ക്രൂരമായി മർദ്ദിച്ചത്. പന്തിരാങ്കാവ് – കോഴിക്കോട് റൂട്ടിൽ സർവീസ് നടത്തുന്ന ബസിൽ ഞായറാഴ്ച രാത്രി 9.45-ഓടെയാണ് സംഭവം.
മറ്റൊരു ബസിൽ ഡ്രൈവറായി ജോലി ചെയ്യുകയാണ് റംഷാദ് .റംഷാദും നിഷാദും ഒരു സീറ്റിലിരുന്ന് യാത്ര ചെയ്യുന്നതിനിടെയാണ് ആക്രമണം. നിഷാദിനെ കഴുത്തിനു കുത്തിപ്പിടിച്ച് മൂക്കിനിടിക്കുന്നതും ബസിൽ വലിച്ചെറിയുന്നതുമായ വീഡിയോ സാമൂഹിക മാധ്യമങ്ങളിൽ പ്രചരിച്ചിരുന്നു. റംഷാദിനെ കസബ പോലീസ് കസ്റ്റഡിയിലെടുത്തു.
