പത്തനംതിട്ട : പോക്‌സോ കേസ് അതിജീവിതയുടെ സ്വകാര്യതയെ ബാധിക്കുന്ന വിവരം വെളിപ്പെടുത്തിയെന്ന് ചൂണ്ടിക്കാട്ടി പത്തനംതിട്ട ശിശുക്ഷേമ സമിതി അധ്യക്ഷന് സസ്പെൻഷൻ. എൻ.രാജീവിനെയാണ് വനിതാ ശിശു വികസന വകുപ്പ് പ്രിൻസിപ്പൽ സെക്രട്ടറി ബാലനീതി ചട്ടങ്ങൾ പ്രകാരം സസ്പെൻഡ് ചെയ്തത്.
കുട്ടിയുടെ കുടുംബപശ്ചാത്തലം ,രക്ഷിതാക്കളുടെ തൊഴില്‍, ജാതി തുടങ്ങിയ കാര്യങ്ങള്‍ വെളിപ്പെടുത്തിയെന്ന് എന്‍. രാജീവ് സമ്മതിച്ചതായി കളക്ടറുടെ റിപ്പോര്‍ട്ടുണ്ടായിരുന്നു. മറ്റൊരു പോക്‌സോ കേസില്‍ രാജീവൻ മനപ്പൂര്‍വം നടപടി വൈകിപ്പിച്ചതായും ആരോപണമുണ്ടായിരുന്നു.സിപിഎം ഇരവിപേരൂർ ഏരിയ കമ്മിറ്റി അംഗമാണ് എൻ.രാജീവ്.
