കോട്ടയം : അന്ധവിശ്വാസങ്ങൾക്കെതിരെ ജാഗ്രത പുലർത്തണമെന്ന്
കേരള ശാസ്ത്ര സാഹിത്യ പരിഷത്ത് കോട്ടയം ജില്ലാ സമ്മേളനം ആവശ്യപ്പെട്ടു. ഈരാറ്റുപേട്ട ഫുഡ് ബുക്ക് ഓഡിറ്റോറിയത്തിൽ 2 ദിവസമായി സംഘടിപ്പിച്ച ജില്ലാ സമ്മേളനം മഹാത്മാഗാന്ധി സർവ്വകലാശാല ബിഐഐസി ഡയറക്ടർ പ്രൊഫ: ഇ.കെ രാധാകൃഷ്ണൻ ഉദ്ഘാടനം ചെയ്തു. ജില്ലാ വൈസ് പ്രസിഡൻറ് ഡോ എം കെ ബിജു അധ്യക്ഷത വഹിച്ചു.
സമ്മേളനത്തിൽ ജില്ലാ സെക്രട്ടറി വിഷ്ണു ശശിധരൻ റിപ്പോർട്ടും ട്രഷറർ ആർ രാജേഷ് കണക്കും സംസ്ഥാന നിർവാഹക സമിതി അംഗം ഡോ. വി.എൻ ജയചന്ദ്രൻ സംഘടനാ രേഖയും അവതരിപ്പിച്ചു. സമ്മേളനത്തിൽ സംസ്ഥാന സെക്രട്ടറി പി അരവിന്ദാക്ഷൻ സംസ്ഥാന നിർവാഹക സമിതി അംഗങ്ങളായ ജോജി കൂട്ടുമ്മേൽ ആർ.സനൽകുമാർ ,ജിസ്സ് ജോസഫ്, ജില്ലാ ഭാരവാഹികളായ ജയകുമാർ കെ, സുനിത ശ്രീകുമാർ,എസ് ഡി പ്രേംജി, സംഘാടക സമിതി ചെയർമാൻ റ്റി.എസ് സിജു ,ജനറൽ കൺവീനർ പ്രസന്നകുമാർ എന്നിവർ പ്രസംഗിച്ചു.
ഭാരവാഹികളായി ഡോ. എം.കെ ബിജു (പ്രസിഡൻ്റ്), ഡോ. അർച്ചന എ.കെ
എം.എസ് രാജേഷ് (വൈസ് പ്രസിഡൻ്റ്), വിഷ്ണു ശശിധരൻ(സെക്രട്ടറി), എസ് ഡി പ്രേംജി, ആർ. സരിത (ജോ. സെക്രട്ടറി),ആർ. രാജേഷ് (ട്രഷറർ) എന്നിവർ അടങ്ങുന്ന 34 അംഗ ജില്ലാ കമ്മറ്റിയെ തിരഞ്ഞെടുത്തു
