Saturday, November 21, 2026
No menu items!

subscribe-youtube-channel

HomeNewsഇരവിപേരൂരിനെ  മനുഷ്യസാഗരമാക്കി പി.ആർ.ഡി.എസ്...

ഇരവിപേരൂരിനെ  മനുഷ്യസാഗരമാക്കി പി.ആർ.ഡി.എസ് ഭക്തിഘോഷയാത്ര

തിരുവല്ല: ആദിയർ ജനതയുടെ ദേശീയ ഉത്സവമായ പൊയ്കയിൽ ശ്രീകുമാര ഗുരുദേവന്റെ 148-മത് ജന്മദിന മഹോത്സവത്തോടനുബന്ധിച്ച് പി.ആർ.ഡി.എസ് നടത്തിയ ഭക്തിഘോഷയാത്ര മനുഷ്യസാഗരമായി. ശുഭ്രവസ്ത്രധാരികളായ പതിനായിരക്കണക്കിന് വിശ്വാസികൾ ഭക്തിഘോഷയാത്രയിൽ അണിനിരന്നു.

നിശ്ചലദൃശ്യങ്ങളും, ചെണ്ടമേളം, തവിൽമേളം, പമ്പമേളം, ബാന്റ്മേളം, തുടങ്ങിയ  വാദ്യമേളങ്ങളും, വിവിധ ശാഖകളിൽ നിന്നുള്ള കലാപ്രകടനങ്ങളും ഭക്തിഘോഷയാത്രയ്ക്ക് മിഴിവേകി. സഭാ പ്രസിഡന്റ് വൈ. സദാശിവൻ ഘോഷയാത്ര ഉദ്ഘാടനം ചെയ്തു.

6 മണിക്ക് വിശുദ്ധ മണ്ഡപത്തിൽ ഘോഷയാത്ര സ്വീകാര്യ പ്രാർത്ഥന നടന്നു. തുടർന്ന് സഭാ പ്രസിഡന്റ് വൈ. സദാശിവന്റെ അധ്യക്ഷതയിൽ ചേർന്ന പൊതുസമ്മേളനം സംസ്ഥാന മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. ആരോഗ്യവകുപ്പ് മന്ത്രി വീണാ ജോർജ്ജ് മുഖ്യപ്രഭാഷണം നടത്തി. എംപിമാരായ തിരുമാവളവൻ തമിഴ്നാട്, കൊടിക്കുന്നിൽ സുരേഷ് എന്നിവർ മുഖ്യാതിഥികളായി പങ്കെടുത്തു.

ആദിയർദീപം ജന്മദിനപതിപ്പ് പ്രകാശന കർമ്മം മുൻ പ്രതിപക്ഷ നേതാവ് രമേശ് ചെന്നിത്തല എം.എൽ.എ നിർവ്വഹിച്ചു.  അഡ്വ. മാത്യു.റ്റി.തോമസ് എം.എൽ.എ, സിനിമാ സംവിധായകൻ ഡോ.ബിജു ഗുരുകുല ഉപശ്രേഷ്ഠൻ മണി മഞ്ചാടിക്കരി, സിപിഐഎം ജില്ലാ സെക്രട്ടറി രാജു എബ്രഹാം, സംവരണ സംരക്ഷണ സമിതി ചെയർമാൻ സണ്ണി.എം.കപിക്കാട്, സി.എസ്.ഡി.എസ് സംസ്ഥാന പ്രസിഡന്റ് കെ.കെ സുരേഷ്, ഇരവിപേരൂർ ഗ്രാമപഞ്ചായത്ത് പ്രസിഡന്റ് വി.സി.ബിജിമോൾ, പി.ആർ.ഡി.എസ് ഹൈകൗൺസിലംഗങ്ങളായ വി.ആർ കുട്ടപ്പൻ, പി.എൻ.രഘുനാഥ്, ശ്രീകുമാരഗുരുദേവ എഡ്യൂക്കേഷണൽ ആൻഡ് ചാറ്റിറ്റബിൾ ട്രസ്റ്റ്  അംഗം ഡോ. വി.കെ രാജു, ഡി.എസ്.എസ് കേരള ചെയർപേഴ്സൺ രേഷ്മാ കരിവേടകം എന്നിവർ പ്രസംഗിച്ചു. സഭാ ജനറൽ സെക്രട്ടറി റ്റി.കെ അനീഷ് സ്വാഗതവും ട്രഷറാർ ആർ.ആർ.വിശ്വകുമാർ കൃതജ്ഞതയും രേഖപ്പെടുത്തി.

തുടർന്ന് ത്രിതല പഞ്ചായത്ത്, മുനിസിപ്പാലിറ്റി തെരഞ്ഞെടുപ്പിൽ വിജയിച്ച സഭാംഗങ്ങളെ ആദരിച്ചു.  സ്വാതി തിരുനാൾ സംഗീത കോളേജ് വിദ്യാർത്ഥി സംഗീത് വിജയൻ അവതരിപ്പിച്ച സംഗീത കച്ചേരിയും, ആചാര്യകലാക്ഷേത്രം അവതരിപ്പിച്ച ദൃശ്യകലാ നിറക്കൂട്ട് തന്മയവും,  വിവിധ ശാഖകളിൽ നിന്നുള്ള കലാപരിപാടികളും അരങ്ങേറി.

- Advertisment -

RELATED ARTICLES
Advertisment

Desham News

- Advertisement -

ഗൾഫ് രാജ്യങ്ങളോട് മാപ്പ് ചോദിച്ച് ഇറാൻ പ്രസിഡന്റ്

ടെഹ്‌റാൻ : പശ്ചിമേഷ്യൻ സംഘർഷത്തിൽ ഗൾഫ് രാജ്യങ്ങളോട് ക്ഷമാപണവുമായി ഇറാൻ പ്രസിഡന്റ് മസൂദ് പെഷസ്കിയാൻ.ഗൾഫ് രാജ്യങ്ങൾ കേന്ദ്രമാക്കി തങ്ങൾക്കുനേരെ ഇനി ആക്രമണം ഉണ്ടായില്ലെങ്കിൽ ഈ രാജ്യങ്ങളെ ആക്രമിക്കില്ലെന്ന് ഇറാൻ പ്രസിഡന്റ് മസൂദ് പെസഷ്കിയാൻ...

നിതിൻ രാജ് കേസിൽ പൊലീസിന് ഹൈക്കോടതിയുടെ രൂക്ഷ വിമർശനം

കൊച്ചി : അഞ്ചരക്കണ്ടി ഡെന്റൽ കോളജിലെ വിദ്യാർഥി നിതിൻ രാജിന്റെ മരണവുമായി ബന്ധപ്പെട്ട് അധ്യാപകൻ ഡോ. എം.കെ.റാമിനെ അറസ്റ്റ് ചെയ്ത ശേഷം വിട്ടയച്ച സംഭവത്തിൽ പൊലീസിന് ഹൈക്കോടതിയുടെ രൂക്ഷ വിമർശനം. ഏറെ ചർച്ചയായ...
- Advertisment -

Most Popular

- Advertisement -