മലപ്പുറത്ത് സ്ട്രോങ്ങ് റൂം കാവൽ ഡ്യൂട്ടിക്ക് എത്തിയ 2 ബിഎസ്എഫ് ജവാന്മാരെ കാണാതായി

മലപ്പുറം : മലപ്പുറത്ത് സ്ട്രോങ്ങ് റൂം കാവൽ ഡ്യൂട്ടിക്ക് എത്തിയ രണ്ട് ബിഎസ്എഫ് ജവാന്മാരെ കാണാനില്ലെന്ന് പരാതി. അസം, മധ്യപ്രദേശ് സ്വദേശികളായ ജവാൻമാരെയാണു കാണാതായത്. അവധിയെടുക്കുന്നതുമായി ബന്ധപ്പെട്ട് മേലുദ്യോഗസ്ഥനുമായുള്ള തർക്കത്തെത്തുടർന്ന് മലപ്പുറത്തെ ക്യാംപിലേക്ക് മടങ്ങുകയാണെന്നു പറഞ്ഞാണു പോയത്. എന്നാൽ ഇവർ ക്യാംപിലെത്തിയിട്ടില്ല. ഇവർക്ക് പകരം രണ്ട് ജവാന്മാരെ നിയോഗിച്ചു. സംഭവത്തിൽ ബിഎസ്എഫ് അസിസ്റ്റൻറ് കമൻഡൻ്റ് മലപ്പുറം പൊലീസിൽ പരാതി നൽകി.