തിരുവല്ല : അതികഠിനമായ ചൂടും, മനുഷ്യർക്ക് നിർജലീകരണവും മൂലമുണ്ടാകാവുന്ന ആരോഗ്യ പ്രശ്നങ്ങൾക്ക് ആശ്വാസമേകി തിരുവല്ല നഗരസഭയും, മർച്ചൻ്റ്റ്സ് അസ്സോസിയേഷനും, ജോയ് ആലുക്കാസ് ഫൗണ്ടേഷനുമായി സഹകരിച്ച് സൗജന്യ കുടിവെള്ള വിതരണ പദ്ധതി നടപ്പിലാക്കി.
ആലുക്കാസ് കോർണറിൽ നഗരസഭ ചെയർപേഴ്സൺ എസ് ലേഖ വാട്ടർ ഡിസ്പെൻസറുകൾ സ്ഥാപിച്ചു ഉദ്ഘാടനം ചെയ്തു. നഗരത്തിലെ വിവിധ വ്യാപാര സ്ഥാപനങ്ങൾക്കു മുമ്പിലും കുടിവെള്ള ഡിസ്പെൻസറുകൾ സ്ഥാപിച്ചു.
മർച്ചൻ്റ്സ് അസ്സോസിയേഷൻ പ്രസിഡൻറ് എം. സലിം അദ്ധ്യക്ഷത വഹിച്ചു. എം.കെ. വർക്കി, മാത്യൂസ് ജേക്കബ്, ഷെൽട്ടൺ വി. റാഫേൽ ,പി.എം.അനീർ, ജോൺസൺ ജോർജ്, ജെറിൻ എൻ.ജെ എന്നിവർ പ്രസംഗിച്ചു.
