തിരുവനന്തപുരം: സംസ്ഥാനത്ത് മില്‍മ പാല്‍ വില വര്‍ധിപ്പിക്കാന്‍ സര്‍ക്കാര്‍ അനുമതി നല്‍കി. ലിറ്ററിന് നാല് രൂപ വരെ വര്‍ധിപ്പിക്കാനാണ് നിര്‍ദ്ദേശം. പാല്‍ വില കൂട്ടണമെന്ന് മില്‍മ നല്‍കിയ അപേക്ഷയില്‍ ഇന്ന് നടക്കുന്ന മില്‍മ ഡയറക്ടര്‍ ബോര്‍ഡ് യോഗത്തില്‍ അന്തിമ തീരുമാനമുണ്ടാകും.
ലിറ്ററിന് 4 മുതല്‍ 6 രൂപ വരെ വര്‍ധിപ്പിക്കണമെന്ന് ആവശ്യപ്പെട്ട് മില്‍മ ഡയറക്ടര്‍ ബോര്‍ഡ് ആറ് മാസം മുമ്പ് സര്‍ക്കാരിന് കത്ത് നല്‍കിയിരുന്നു എങ്കിലും വൈകിയാണ് അനുമതി ലഭിച്ചത്. ഇന്ന് ചേരുന്ന മില്‍മ ഡയറക്ടര്‍ ബോര്‍ഡ് യോഗത്തില്‍ പുതിയ വില എത്ര വരും എന്നതിനെക്കുറിച്ചു അന്തിമ തീരുമാനമുണ്ടാകും. വില വര്‍ദ്ധനവ് മെയ് ഒന്നു മുതല്‍ നടപ്പാക്കാനാണ് ഇപ്പോഴത്തെ തീരുമാനം.
