തിരുവനന്തപുരം : മുഖ്യമന്ത്രി പദത്തിനായി കോൺഗ്രസിലെ പ്രമുഖ നേതാക്കൾ നീക്കങ്ങൾ ശക്തമാക്കി.ഭൂരിപക്ഷം എംഎൽഎമാരുടെയും പിന്തുണ ഉറപ്പെന്നാണ് കെ.സി. വേണുഗോപാൽ പക്ഷം അവകാശപ്പെടുന്നത് . എംഎൽഎമാരുടെ എണ്ണം മാത്രമല്ല ഘടകകക്ഷികളെ കൂടെ പരിഗണിക്കണമെന്നാണ് വിഡി. സതീശൻ വിഭാഗത്തിന്റെ നിലപാട്. സീനിയോറിറ്റിക്കാണ് മുഖ്യമന്ത്രി പദത്തിൽ മുൻഗണന നൽകേണ്ടതെന്ന് ചെന്നിത്തല വിഭാഗവും വാദിക്കുന്നു.
വിഷയത്തിൽ ഓരോ എംഎൽഎയുടെയും എംപിമാരുടേയും നിലപാട് തേടുന്നതിനായി പ്രത്യേക നിരീക്ഷകരെ എഐസിസി ഇന്ന് തന്നെ നിയോഗിച്ചേക്കും. എഐസിസി നിരീക്ഷകര്‍ എത്തി ജനപ്രതിനിധികളെ കണ്ട ശേഷം നേതാക്കളെ ഡല്‍ഹിക്ക് വിളിപ്പിച്ചേക്കും.എല്ലാ റിപ്പോർട്ടുകളും വിലയിരുത്തിയ ശേഷം രാഹുൽ ഗാന്ധിയാകും അന്തിമ തീരുമാനം പ്രഖ്യാപിക്കുക.
