കൊച്ചി : നെടുമങ്ങാട്ടെ ഒന്നര വയസുകാരനെ രണ്ടാനച്ഛൻ കൊലപ്പെടുത്തിയ സംഭവത്തിൽ കുറ്റപത്രം ഉടൻ സമർപ്പിക്കണമെന്ന് ഹൈക്കോടതി.കേസ് സംബന്ധിച്ച സ്വമേധയാ സ്വീകരിച്ച ഹർജി പരിഗണിക്കവെയാണ് കോടതിയുടെ നിർദേശം.കേസിലെ ഫോറൻസിക് പരിശോധനാ റിപ്പോർട്ട് ഇതുവരെ ലഭ്യമായിട്ടില്ലെന്നും, അതിനാലാണ് കുറ്റപത്രം സമർപ്പിക്കുന്നതിൽ കാലതാമസം നേരിടുന്നതെന്നും സർക്കാർ കോടതിയെ അറിയിച്ചു.
കേസിന്റെ അന്വേഷണ പുരോഗതി സംബന്ധിച്ച വിവരങ്ങളും സർക്കാർ കോടതിയെ അറിയിച്ചു.ഹർജിയിൽ കക്ഷിചേരാൻ ജില്ലാ ശിശു സംരക്ഷണ ഓഫീസർ സമർപ്പിച്ച അപേക്ഷ ഹൈക്കോടതി തള്ളി.
