കഞ്ചിക്കോട് മരച്ചില്ല വെട്ടുമ്പോൾ ഷോക്കേറ്റു യുവാവിന് ദാരുണാന്ത്യം

പാലക്കാട് :കഞ്ചിക്കോട് വൈദ്യുത പോസ്റ്റിനു സമീപമുള്ള മരത്തില്‍ ചില്ലവെട്ടാന്‍ കയറിയ തൊഴിലാളി ഷോക്കേറ്റു മരിച്ചു.തമിഴ്നാട് സ്വദേശി ശക്തിവേൽ (45) ആണ് മരിച്ചത്.ഇന്നു രാവിലെയാണ് സംഭവം.റോഡിനു സമീപമുള്ള കെ.എസ്.ഇ.ബി. 22 കെ.വി. പോസ്റ്റിനടുത്തുള്ള സ്വകാര്യ വ്യക്തിയുടെ ആര്യവേപ്പില്‍ കയറിയപ്പോഴായിരുന്നു അപകടം.കഞ്ചിക്കോട് ഫയർ ഫോഴ്സ് എത്തിയാണ് മരക്കൊമ്പില്‍ മരിച്ച നിലയിലായിരുന്ന ശക്തിവേലിനെ താഴെയിറക്കിയത്.