എറണാകുളം : കുളിപ്പിക്കാൻ വച്ച ചൂടുവെള്ളം ദേഹത്ത് മറിഞ്ഞു പൊള്ളലേറ്റ് ചികിത്സയിലായിരുന്ന 2 വയസുകാരി മരിച്ചു .കോതമംഗലം കോട്ടപ്പടി മുട്ടത്തുപാറ മേൽഭാഗത്ത് വീട്ടിൽ ലിജു-എൽബി ദമ്പതിമാരുടെ മകൾ ബിൽഗ മറിയം ലിജു (2) ആണ് മരിച്ചത്.
ഒരാഴ്ച മുമ്പ് കുട്ടിയെ കുളിപ്പിക്കാനായി ബക്കറ്റിൽ തയ്യാറാക്കി വച്ചിരുന്ന ചൂടുവെള്ളം കുട്ടി ബക്കറ്റിൽ പിടിച്ചതോടെ ബക്കറ്റ് മറിഞ്ഞ് ദേഹത്തേക്ക് വീഴുകയായിരുന്നു. പൊള്ളലേറ്റ കുട്ടിയെ ഉടൻ ആശുപത്രിയിൽ പ്രവേശിപ്പിച്ച് ചികിത്സ നൽകിയെങ്കിലും പിന്നീട് അണുബാധയുണ്ടായി.ഞായറാഴ്ച രാവിലെയാണ് മരണം സംഭവിച്ചത്.
