കണ്ണൂർ : പിലാത്തറയിൽ നിർത്തിയിട്ടിരുന്ന ലോറിയിൽ മിക്സർ ഹെവി ലോറിയിടിച്ച് വൻ തീപിടിത്തം. ഇടിയുടെ ആഘാതത്തിൽ ലോറികൾക്ക് തീപ്പിടിച്ചു. ലോറി നന്നാക്കാൻ എത്തിയ മെക്കാനിക്കും സഹായിയും കൊല്ലപ്പെട്ടു .കാഞ്ഞങ്ങാട് മാവുങ്കൽ സ്വദേശി ഇബിനെസർ ആന്റോ (24), പാലക്കാട് സ്വദേശി മുഹമ്മദ് ഷെബിൻ (22) എന്നിവരാണ് മരിച്ചത് .
ഇന്ന് പുലർച്ചെയാണ് സംഭവം .പഴയങ്ങാടി ഭാഗത്തുനിന്നും വന്ന ലോറി തകരാറിലായതിനെ തുടർന്നു ഇന്നലെ വൈകിട്ട് റോഡരികിൽ നിർത്തിയിട്ടിരിക്കുകയായിരുന്നു .തകരാർ പരിഹരിക്കുന്നതിനായ എത്തിയ ജീവനക്കാർ ലോറിയുടെ ക്യാബിന് അടിയിൽ പരിശോധിക്കുകയായിരുന്നു.
