ആലപ്പുഴ : കേരളത്തിൽ ആവർത്തിക്കുന്ന വെള്ളപ്പൊക്കത്തിന് പരിഹാരമായി നദികളുടെ ആഴം കൂട്ടണമെന്ന് ഉപരാഷ്ട്രപതി സി.പി. രാധാകൃഷ്ണൻ.നമ്മൾ പരിസ്ഥിതി ഭ്രാന്തന്മാർ ആകാൻ പാടില്ലെന്നും പരിസ്ഥിതി സംരക്ഷണത്തിനൊപ്പം വികസനവും ഉറപ്പുവരുത്തണമെന്നും അദ്ദേഹം ആവശ്യപ്പെട്ടു.ആലപ്പുഴയിൽ നടന്ന പരിപാടിയിലാണ് ഉപരാഷ്ട്രപതിയു‌ടെ നിർദ്ദേശം .
നദികളിലെ ജലസംഭരണ ശേഷി കുറഞ്ഞതാണ് നഗരങ്ങളിൽ വെള്ളപ്പൊക്കം പതിവാകാൻ പ്രധാന കാരണമെന്നും കൃത്യമായ ഇടവേളകളിൽ നദികളിൽ നിന്ന് മണൽ നീക്കം ചെയ്യുന്നില്ലെന്നും ഉപരാഷ്ട്രപതി പറഞ്ഞു.നദികളുടെ ആഴം കൂട്ടുന്നതിനെ എതിർക്കുന്നവരോട് വെള്ളം എങ്ങോട്ട് ഒഴുകിപ്പോകുമെന്ന് ചോദിക്കണം. കോടതികളാണ് ഇത്തരം പ്രവർത്തനങ്ങൾക്ക് തടസ്സമെങ്കിൽ ആവശ്യമായ കാര്യങ്ങൾ കോടതികളെ ബോധ്യപ്പെടുത്തണമെന്നും ഉപരാഷ്ട്രപതി പറഞ്ഞു.
