ശ്രീപത്മനാഭസ്വാമി ക്ഷേത്രത്തില്‍ പ്രത്യേക ചടങ്ങുകള്‍ : തിങ്കളാഴ്ച വരെ ദര്‍ശന സമയത്തില്‍ മാറ്റം

തിരുവനന്തപുരം: ശ്രീപത്മനാഭസ്വാമി ക്ഷേത്രത്തില്‍ പ്രത്യേക ചടങ്ങുകള്‍ നടക്കുന്നതിനാൽ തിങ്കളാഴ്ച വരെ ദര്‍ശന സമയത്തില്‍ മാറ്റം വരുത്തി.
പത്മനാഭസ്വാമിയുടെയും പരിവാര ദേവതകളുടെയും കടുശര്‍ക്കര നിര്‍മ്മിതമായ ബിംബങ്ങളുടെ ജീര്‍ണ്ണത പരിഹരിക്കുന്നതിനുള്ള ശുദ്ധിയും അനുജ്ഞാ കലശവും അനുബന്ധിച്ചുള്ള ചടങ്ങുകള്‍ ആരംഭിക്കുന്നതിനാലാണ്  തിങ്കളാഴ്ച വരെ ദര്‍ശന സമയത്തില്‍ പുനഃക്രമീകരണം ഏര്‍പ്പെടുത്തിയത്.

5-ന് -പ്രാസാദ ശുദ്ധി, ഹോമം, വാസ്തുബലി – ദര്‍ശന സമയം രാവിലെ – 03.30 മുതല്‍ 04.45 വരെ, 06.30 മുതല്‍ 07.00 വരെ, 08.30 മുതല്‍ 10.00 വരെ, 10.30 മുതല്‍ 11.15 വരെ, 11.45 മുതല്‍ 12.15 വരെ. വൈകുന്നേരം – 04.30 മുതല്‍ 06.00 വരെ. അത്താഴ ശ്രീബലിക്ക് ശേഷം ദര്‍ശനം ഉണ്ടായിരിക്കുന്നതാണ്.

6-ന് – ചതു, ശുദ്ധി, ധാര, പഞ്ചഗവ്യം, പഞ്ചകം – രാവിലെ 03.30 മുതല്‍ 04.45 വരെ, 06.30 മുതല്‍ 07.00 വരെ, 10.00 മുതല്‍ 11.15 വരെ, 11.45 മുതല്‍ 12.15 വരെ. വൈകുന്നേരം: 04.30 മുതല്‍ 06.15 വരെ, 06.45 മുതല്‍ 07.20 വരെ.

7-ന് – ദ്രവ്യ കലശം, കലശാഭിഷേകം – രാവിലെ: 03.30 മുതല്‍ 04.45 വരെ, 06.30 മുതല്‍ 07.00 വരെ, 11.00 മുതല്‍ 12.15 വരെ. വൈകുന്നേരം: 04.30 മുതല്‍ 06.00 വരെ, 06.45 മുതല്‍ 07.20 വരെ.