കോഴഞ്ചേരി : സ്കൂളിലേക്ക് പോവുകയായിരുന്ന പെൺകുട്ടികൾക്ക് നേരെ നഗ്നതാ പ്രദർശനം നടത്തുകയും അശ്ലീല പരാമർശങ്ങൾ നടത്തുകയും ചെയ്തയാളെ കോയിപ്രം പോലീസ് അറസ്റ്റ് ചെയ്തു. പുല്ലാട് തെറ്റുപാറ വിഷ്ണു ഭവനത്തിൽ വിഷ്ണു കെ എസ് ( 32) ആണ് പിടിയിലായത്.
വെള്ളിയാഴ്ച രാവിലെ സ്കൂളിലേക്ക് പോവുകയായിരുന്ന പെൺകുട്ടികളെയാണ് ഇയാൾ ഒരു ബൈക്കിൽ എത്തി അശ്ലീല പദപ്രയോഗങ്ങൾ നടത്തിയതും സ്വകാര്യഭാഗം കാണിക്കുകയും ചെയ്തത്. രക്ഷകർത്താക്കളോടൊപ്പം സ്റ്റേഷനിൽ എത്തിയ കുട്ടിയുടെ മൊഴി രേഖപ്പെടുത്തി കേസ് രജിസ്റ്റർ ചെയ്ത പോലീസ് , അതിവേഗം അന്വേഷണം നടത്തി പ്രതിയെ പിടികൂടി.
കീഴ് വായ്പൂര് ഇൻസ്പെക്ടർ സുരേഷ്‌കുമാർ, എസ് ഐ അനൂബ്. പി, എസ് സി പി ഒ മാരായ അഭിലാഷ്, സുരേഷ്, വിപിൻരാജ്, മനൂപ്, രശ്മി എന്നിവർ അടങ്ങിയ പോലീസ് സംഘമാണ് പ്രതിയെ പിടികൂടിയത്. പത്തനംതിട്ട ജുഡീഷ്യൽ ഒന്നാംക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
