ആലപ്പുഴ: അനധികൃതമായി നിലം നികത്തിയതിനെതിരെ കർശനമായി നടപടി സ്വീകരിച്ചുവരികയാണെന്ന് കൃഷിമന്ത്രി പ്രസാദ്. ജില്ലകളിലെ ദുരിതാശ്വാസ ക്യാമ്പുകളിലെ സന്ദർശനത്തിന് ശേഷം മന്ത്രി ഇതു സംബന്ധിച്ച നിർദ്ദേശം ജില്ല കളക്ടർക്ക് നൽകി. പലയിടത്തും നിലം നികത്തിയതുമൂലമാണ് വെള്ളക്കെട്ട് രൂപപ്പെട്ടെതെന്ന അന്തേവാസികളുടെ പരാതിയെത്തുടർന്നാണ് നടപടിക്ക് നിർദ്ദേശം നൽകിയത്.
ജില്ല കളക്ടർക്ക് ലഭിച്ച 52 പരാതികളിൽ സ്റ്റോപ്പ് മെമ്മോ നൽകിയിട്ടുണ്ട്. അനധികൃത നിലംനികത്തൽ ഒരുതരത്തിലും അംഗീകരിക്കില്ല. ഇത്തരം സംഭവങ്ങൾ ശ്രദ്ധയിൽപ്പെട്ടാൽ ജനങ്ങൾ തന്നെ അധികൃതരെ അറിയിക്കണം.
