UN രക്ഷാസമിതിയിലെ എല്ലാ സ്ഥിരം അംഗങ്ങൾക്കും വീറ്റോ അധികാരം നൽകണമെന്ന് ഇന്ത്യ

ന്യൂയോർക് : UN രക്ഷാസമിതിയിലെ എല്ലാ സ്ഥിരം അംഗങ്ങൾക്കും വീറ്റോ അധികാരം നൽകണമെന്ന് ഇന്ത്യ ആവശ്യപ്പെട്ടു. ‘രക്ഷാസമിതി അംഗങ്ങളുടെ അംഗത്വം, പ്രാദേശിക പ്രാതിനിധ്യം, സമിതിയുടെ വലിപ്പം, പ്രവർത്തന രീതികൾ എന്നിവയിൽ നിന്ന് വീറ്റോ അധികാരം പരിമിതപ്പെടുത്തുന്നതിനെ വേർതിരിച്ച് കാണാനാകില്ലെന്നും ഈ അഞ്ച് പ്രധാന മേഖലകളിലും പരിഷ്‌കാരങ്ങൾ ഉണ്ടാകണമെന്നും ഐക്യരാഷ്ട്രസഭയിലെ ഇന്ത്യയുടെ സ്ഥിരം പ്രതിനിധി പർവ്വതനേനി ഹരീഷ് ആവശ്യപ്പെട്ടു. രാഷ്ട്രീയ നേട്ടങ്ങൾക്കുള്ള ഉപകരണമായി വീറ്റോ അധികാരത്തെ മാറ്റരുതെന്നും അദ്ദേഹം ഓർമ്മിപ്പിച്ചു.