തിരുവനന്തപുരം : മാല പൊട്ടിച്ച് കടന്നുകളയാൻ ശ്രമിച്ച മോഷ്ടാവിന്റെ സ്കൂട്ടർ കനാലിലേക്കു തള്ളിയിട്ട് വീട്ടമ്മ. പ്രസന്നകുമാരി എന്ന 61 കാരിയാണ് മോഷ്ടാവിനെ കുടുക്കിയത്.മോഷ്ടാവായ ചെങ്കൽ ആറയൂർ സ്വദേശി വിജയദാസിനെ (40) പൊലീസ് കസ്റ്റഡിയിലെടുത്തു.
ഇന്നലെ ഉച്ചയ്ക്ക് പരശുവയ്ക്കലാണ് സംഭവം.വീട്ടിലേക്കു നടന്നു പോവുകയായിരുന്ന പ്രസന്നകുമാരിയുടെ അടുത്തേക്കെത്തിയ വിജയദാസ് മാല പൊട്ടിച്ചെടുത്ത് സ്കൂട്ടറിൽ കയറാൻ ശ്രമിക്കുകയായിരുന്നു.എന്നാൽ പിന്നാലെ ഓടിയ പ്രസന്നകുമാരി മോഷ്ടാനെ സ്കൂട്ടർ സഹിതം കനാലിലേക്ക് തള്ളിയിട്ടു. പിന്നീട് നാട്ടുകാരുടെ സഹായത്തോടെ കനാലിൽ വീണ കള്ളനെ പിടികൂടി പോലീസിൽ ഏൽപ്പിച്ചു.
