പത്തനംതിട്ട : ശബരിമല തീര്ത്ഥാടനം സുരക്ഷിതവും ആരോഗ്യകരവുമാക്കുന്നതിന് ആരോഗ്യവകുപ്പ് നിര്ദേശങ്ങള് പുറപ്പെടുവിച്ചു . പ്രമേഹം, രക്തസമ്മര്ദ്ദം, ഹൃദ്രോഗം തുടങ്ങിയ അസുഖങ്ങളുള്ളവര് ഡോക്ടറുടെ നിര്ദേശപ്രകാരമുള്ള മരുന്നുകള് വ്രതകാലത്തും മുടക്കാതെ കഴിക്കണം. ആവശ്യമായ മരുന്നുകള് കൈവശം കരുതണം. പമ്പയില് വന്ന് സന്നിധാനത്തേക്കുള്ള മലകയറ്റം സ്വന്തം ശാരീരികശേഷിക്കനുസരിച്ച് സാവധാനത്തിലാക്കുകയും ഇടയ്ക്കിടെ വിശ്രമിക്കുകയും വേണം.
നെഞ്ചുവേദന, ശ്വാസതടസം, അമിതമായ ക്ഷീണം, തലകറക്കം, തളര്ച്ച തുടങ്ങിയ ലക്ഷണങ്ങള് അനുഭവപ്പെട്ടാല് മലകയറ്റം ഉടന് നിര്ത്തി അടുത്തുള്ള അടിയന്തര വൈദ്യസഹായ കേന്ദ്രത്തിലെ സേവനം തേടണം. ഇത്തരം ലക്ഷണങ്ങള് അവഗണിച്ച് യാത്ര തുടരുന്നത് അപകടസാധ്യത വര്ധിപ്പിക്കും. അടിയന്തര വൈദ്യസഹായത്തിനായി 108 എന്ന നമ്പറിലും ശബരിമല ആരോഗ്യസേവനങ്ങളുടെ ഹെല്പ്പ് ലൈന് നമ്പറായ 04735 203232 ലും ബന്ധപ്പെടാമെന്ന് ആരോഗ്യവകുപ്പ് അറിയിച്ചു.





